साउथ स्टार रामचरण नेपाल आउँदै

साउथ फिल्मका चर्चित अभिनेता रामचरण नेपाल आउने भएका छन् । ‘बाहुबली’ निर्देशक एसएस राजामौलीको फिल्म ‘आरआरआर’ का कारण पछिल्लो समय चर्चामा रहेका रामचरण नयाँ फिल्मको छायांकनको लागि नेपाल आउन लागेका हुन् । 

फिल्मको छायांकनको लागि रामचरणसहित फिल्म युनिट नै आउने बताइएको छ । उनी फेब्रुअरी २८ मा नेपाल आउने भएका हुन् ।  

युनिटले काठमाडौँ, मनाङ र मुस्ताङमा छायांकनको लागि ठाउँ हेर्ने भएको छ । फिल्म छायांकन अप्रिलबाट हुने भएको छ ।